06 دسمبر ، 2012 
کچھ عناصر جان بوجھ کرکراچی کے حالات خراب کرنا چاہتے ہیں،گورنر سندھ
06 دسمبر ، 2012
کراچی …گورنر سندھ ڈاکٹر عشرت العباد خان کا کہنا ہے کہ اسلحے کی ترسیل اور نقل و حمل روک دی جائے تو کراچی خود اسلحے سے پاک ہوجائے گا۔ گورنر ہاوٴس کراچی میں یورپی ممالک کے سفیروں سے امن و امان کی صورتحال پر بات کرتے ہوئے گورنر سندھ نے کہا کہ کچھ عناصر جان بوجھ کرکراچی کے حالات خراب کرنا چاہتے ہیں،جس کا ثبوت گزشتہ دنوں فرقہ ورانہ اور لسانی دہشت گردی کے 12واقعات میں ایک ہی ہتھیار استعما ل ہونا ہے۔ڈاکٹر عشرت العباد خان نے کہا کہ اسلحہ کا خاتمہ صر ف کراچی نہیں بلکہ پورے ملک سے ہوناچاہئے ، اسلحے کی ترسیل اور نقل و حمل کو روک دیا جائے تو کراچی خود اسلحے سے پاک ہوجائے گا۔اس موقع پر سی پی ایل سی چیف احمد چنائے نے یورپی یونین کے سفیروں کوشہر میں جرائم کی صورتحال پر بریفنگ بھی دی۔
مزید خبریں :
پاکستان کی ایران پر اسرائیلی حملے کی شدید مذمت
13 جون ، 2025
بالائی سندھ کے تمام اضلاع میں آندھی اور بارش کا امکان
13 جون ، 2025
کراچی: ملیر جیل سے فرار ایک اور قیدی گرفتار
13 جون ، 2025
