بھارت کا ملک میں آنیوالے غیر ملکی مسافروں کے کورونا ٹیسٹ کرنے کا فیصلہ

چین امریکا اور دیگر ممالک میں بڑھتے کورونا کیسز کے بعد بھارت نے ملک میں آنے والے بین الاقوامی مسافروں کے  ائیرپورٹس پر کورونا ٹیسٹ کرنے کا فیصلہ کیا ہے۔

بھارتی میڈیا کے مطابق  یہ ٹیسٹ شک ہونے کی بنا پر کسی بھی مسافر کا کیا جاسکے گا، کورونا وائرس سے نمٹنے کے لیے حکومت نے پورے ملک میں نگرانی کا عمل تیز کرنے کا فیصلہ کیا ہے، ائیرپورٹس پر کورونا ٹیسٹنگ کا عمل آج سے شروع ہوگا۔

بھارتی حکام نے عوام کو مجمع کی جگہوں پر ماسک پہننے اور کورونا ویکسی نیشن کرانے کی ہدایت کی ہے۔

چین میں کووڈ کی صورتحال کے باعث عالمی ایمرجنسی جلد ختم نہ ہونے کا امکان

ماہرین نے اس رائے کا اظہار اس وقت کیا جب چین کی جانب سے عوامی احتجاج کے بعد زیرو کووڈ پالیسی کو گزشتہ دنوں ختم کردیا گیا تھا۔

واضح رہے کہ  چین میں کورونا پابندیاں نرم کرنے کے بعد سے کورونا کیسز میں اضافہ ہوا ہے جبکہ عالمی ادارہ صحت کے اعداد و شمار کے مطابق جنوبی کوریا، جاپان اور امریکا میں بھی کورونا کیسز میں اضافہ دیکھا جا رہا ہے۔