26 دسمبر ، 2022 
پاکستان
رینجرز کی ایک ٹیم نے سپرہائی وے کے علاقے خمیسو گوٹھ میں بیوپاریوں سے لوٹ مار کی اطلاع پر کارورائی کی: رینجرز ذرائع/ فوٹو جیونیوز
کراچی: سپرہائی وے پر رینجرز سے مقابلے میں ڈاکو بلال افغانی ہلاک
26 دسمبر ، 2022
کراچی: سپر ہائی وے پر سبزی منڈی جانے والے بیوپاریوں سے لوٹ مار کے دوران رینجرز کی کارروائی میں بدنام افغان ڈاکو مارا گیا۔
رینجرز ذرائع کے مطابق رینجرز کی ایک ٹیم نے سپرہائی وے کے علاقے خمیسو گوٹھ میں بیوپاریوں سے لوٹ مار کی اطلاع پر کارروائی کی، رینجرز کی نفری کے پہنچنے پر ملزمان نے فائرنگ کردی جس کی جوابی فائرنگ میں ڈاکو بلال افغانی مارا گیا جب کہ اس کا ساتھی شدید زخمی ہوگیا۔
پولیس ذرائع کے مطابق ہلاک ہونے والا ملزم بلال افغانی علاقے میں بڑی کارروائیوں میں ملوث تھا جس نے لوٹ مار کے لیے افغانی لڑکوں کا 25 سے 30 رکنی بڑا گروہ تشکیل دے رکھا تھا۔
پولیس کا کہنا ہےکہ ملزم ایک واردات کے دوران تاجر کے سکیورٹی گارڈ کے قتل اور رائفل چھیننے میں بھی ملوث تھا۔
