29 دسمبر ، 2022 
پاکستان
اسحاق ڈار کے گلبرگ میں گھر ہجویری ہاؤس کی سپر داری بھی کرا دی گئی ہے۔ فوٹو فائل
وزیر خزانہ اسحاق ڈار کے منجمد اثاثے بحال
29 دسمبر ، 2022
لاہور کی ضلعی انتظامیہ نے نیب کے حکم پر وزیر خزانہ سینیٹر اسحاق ڈار کے منجمد اثاثے بحال کر دیے۔
نیب نے احتساب عدالت کے حکم پر اسحاق ڈار کے اثاثے بحال کرنے کی ہدایت کی تھی جس پر عمل درآمد کرتے ہوئے لاہور کی انتظامیہ کی جانب سے اسحاق ڈار کے گلبرگ میں گھر ہجویری ہاؤس کی سپر داری بھی کرا دی گئی ہے۔
ضلعی انتظامیہ کا کہنا ہے کہ اسحاق ڈارکے بینک اکاؤنٹس کو بحال کرنے کا مراسلہ بھی بینک انتظامیہ کو جاری کیا ہے۔
اسحاق ڈار کے اکاؤنٹ میں 50 کروڑ 79 لاکھ 48 ہزار روپے بحالی کا مراسلہ جاری کیا گیا ہے۔
وفاقی وزیر اسحاق ڈار کے دیگر بینک اکاؤنٹس کو بحال کرنے کا مراسلہ بھی جاری کیا گیا۔
