دبئی. . . . .. .پاکستان اور انگلینڈ کے درمیان ون ڈے سیریز کا آخری میچ آج دبئی میں کھیلا جائیگا۔سیریز میں انگلش ٹیم کو 3-0 کی برتری حاصل ہے۔ میچ پاکستانی وقت کے مطابق چار بجے شروع ہوگا پاکستانی ٹیم کو ڈھائی سال بعد پہلی بار سیریز میں وائٹ واش کا سامنا ہے۔پاکستان کے تین کھلاڑیوں مصباح الحق،شاہد آفریدی اور اسد شفیق کا رینڈم ڈوپ ٹیسٹ لیا گیا۔ان فٹ اوپنر عمران فرحت کی جگہ آل راؤنڈر شعیب ملک کو کھلائے جانے کا امکان ہے۔ یونس خان بخار سے نجات پا کر میچ کے لئے دستیاب ہوں گے۔ توقع ہے کہ آؤٹ آف فارم محمد حفیظ کے ساتھ شعیب ملک اننگز کا آغاز کریں گے۔ مڈل آرڈر بیٹنگ میں اظہر علی، مصباح ، یونس خان، عمر اکمل، شاہد آفریدی شامل ہوں گے۔ فاسٹ بولنگ کی ذمے داریاں جنید خان اور حماد اعظم انجام دیں گے۔ یہ امکان بھی ہے کہ فاسٹ بولر وہاب ریاض کو کھلا کر اظہر علی کو آرام دیا جائے۔ حماد اعظم کو اوپر کے نمبروں پر کھلایا جائے جبکہ اسپین بولنگ کا شعبہ سعید اجمل، شاہد آفریدی، محمد حفیظ اور شعیب ملک سنبھالیں گے۔