کراچی: موبائل میں انتخابی سامان کی ترسیل پر پولیس کی وضاحت
15 جنوری ، 2023
کراچی کے بلدیاتی انتخابات میں پولیس موبائل میں انتخابی سامان کی ترسیل کے معاملے پر پولیس نے وضاحتی بیان جاری کیا ہے۔
پولیس کی جانب سے جاری بیان میں کہا گیا ہے کہ انتخابی سامان لے جانے والا ٹرک خراب ہو جانے پر موبائل میں سامان لے جایا گیا، انتخابی سامان میں غیر حساس انتخابی میٹریل شامل تھا۔
پولیس کے مطابق موبائل میں خالی بیلٹ باکس اور گتے کی شیٹس پولنگ اسٹیشن پہنچائی جا رہی تھیں، پولیس موبائل میں انتخابی سامان پولنگ اسٹیشن پہنچانا معمول کی بات ہے۔
یاد رہے کہ آج کراچی، حیدر آباد اور بدین میں بلدیاتی انتخابات کے لیے پولنگ ہو رہی ہے۔
