پاکستان کو قرض کی فراہمی مؤخر کرنے سے متعلق خبریں، ورلڈ بینک کا بیان آگیا

ورلڈ بینک نے پاکستان کے لیے آپریشنز میں ممکنہ تاخیر سے متعلق میڈیا پر چلنے والی خبروں پر وضاحتی بیان جاری کیا ہے۔

گزشتہ روز میڈیا پر اس قسم کی خبریں آئی تھیں کہ ورلڈ بینک نے پاکستان کے لیے ایک ارب 10 کروڑ ڈالر قرض کی منظوری ایک سال کے لیے مؤخر کر دی ہے۔

ورلڈبینک نے پاکستان کیلئے ایک ارب 10کروڑ ڈالر قرض کی منظوری مؤخرکردی

ورلڈ بینک نے پاکستان کے لیے قرض کی منظوری آئندہ مالی سال تک مؤخرکی ہے

پاکستان کے لیے کنٹری ڈائریکٹر ورلڈ بینک کا اس حوالے سے کہنا ہے کہ پاکستان میں عالمی بینک کے ممکنہ آپریشنز کی منظوری میں تاخیر سے متعلق میڈیا پر چلنے والی خبریں بے بنیاد ہیں۔

کنٹری ڈائریکٹر ورلڈ بینک کا کہنا ہے کہ ہمارے تمام مجوزہ آپریشنز اور ان کی رقوم سے متعلق بورڈ کی منظوری کی تاریخیں واضح ہیں۔

انہوں نے مزید کہا کہ عالمی بینک مجوزہ منصوبوں کی تیاری کی بنیاد پر پروجیکٹ کی تجاویز کے تبادلے کے وقت کا فیصلہ کرتا ہے۔