بھارت کا نام نہاد یوم جمہوریہ، آج کشمیر میں یوم سیاہ منایا جارہا ہے

بھارت کے نام نہاد یوم جمہوریہ پر آزاد اور مقبوضہ کشمیر میں آج یوم سیاہ منایا جارہا ہے جب کہ  مقبوضہ وادی میں مکمل ہڑتال کا اعلان کیا گیا ہے۔

آج کے دن آزاد کشمیر، پاکستان اور مختلف ممالک کے دارالحکومتوں میں بھارت مخالف مظاہرے اور ریلیاں نکالی جائیں گی تاکہ عالمی برادری کو پیغام دیا جاسکے کہ بھارت نے کشمیریوں کے تمام بنیادی حقوق سلب کر رکھے ہیں۔

جھوٹے دعوؤں کیساتھ بھارت پھر یوم جمہوریہ منا رہا ہے، مشعال ملک

بہت سے جھوٹے دعوؤں کے ساتھ بھارت پھر یوم جمہوریہ منا رہا ہے، بھارت نے 70 سال سے کشمیریوں کی آزادی ، جینے مرنے کا حق چھین رکھا ہے، مشعل ملک

وزیراعظم آزاد کشمیر تنویر الیاس کا کہنا ہے کہ بھارت کشمیریوں کو حق خودارادیت دینے کے وعدے سے مکر رہا ہے اور  بھارت میں کوئی بھی اقلیت محفوظ نہیں۔

دوسری جانب حریت رہنما یاسین ملک کی اہلیہ مشعال ملک نے کہا کہ بھارت نے70 سال سے کشمیریوں کے آزادی اور جینے مرنے کا حق چھین رکھا ہے۔

ان کا کہنا تھا کہ بھارت سے سوال ہے آزادی پسند کشمیری رہنماؤں کو کب رہائی ملے گی؟