10 فروری ، 2023 
کراچی: گھڑیوں میں منشیات بیرون ملک اسمگل کرنے والا جوڑا گرفتار
10 فروری ، 2023
کراچی: اینٹی نارکوٹکس نے گھڑیوں میں منشیات اسمگلنگ کرنے والے جوڑے کو گرفتار کرلیا۔
ترجمان اے این ایف کے مطابق کراچی کے علاقے فیڈرل بی ایریا بلاک 10 نصیر آباد میں خفیہ اطلاع پر کارروائی کی گئی جس میں منشیات اسمگلنگ کے الزام میں جوڑے کو گرفتار کیا گیا۔
ترجمان نے بتایا کہ ملزم فرقان سعید صدیقی گھڑیوں کے ذریعے منشیات اسمگل کرنے میں ملوث ہے ، ملزم کے گھر سے 2 گھڑیاں برآمد ہوئیں جن میں سے چھپائی گئی 800 گرام آئس قبضے میں لے لی گئی۔
ترجمان کے مطابق پوچھ گچھ کے دوران ملزم نے انکشاف کیا کہ کراچی کی رہائشی خاتون بھی اس گروہ میں ملوث ہے، ملزمان کئی بار گھڑیوں میں منشیات چھپا کر گلف اور عرب ممالک میں اسمگل کر چکے ہیں، ملزم کی نشاندہی پر اس کی ساتھی ملزمہ کو بھی گرفتار کر لیا گیا ہے۔
