11 فروری ، 2023 
کامران اکمل نے سلیکشن کمیٹی میں عہدہ فوری طور پرسنبھالنے سے معذرت کر لی
11 فروری ، 2023
قومی ٹیم کے سابق وکٹ کیپر کامران اکمل نے سلیکشن کمیٹی میں شامل کرنے پر پاکستان کرکٹ بورڈ (پی سی بی) سے تشکر کا اظہار کرتے ہوئے فوری طور پر عہدہ قبول کرنے سے معذرت کر لی۔
اپنے ٹوئٹر پیغام میں کامران اکمل نے لکھا کہ ’’میں سینیئر اور جونیئر سلیکشن پینل کی ذمہ داریاں ملنا اپنے لیے ایک اعزاز سمجھتا ہوں اور اپنا بھرپور کردار ادا کرنے کا خواہشمند ہوں۔‘‘
اپنی ٹوئٹ میں انہوں نے لکھا کہ پی ایس ایل کے دوران نجی چینل کے ساتھ معاہدے کے باعث اور پی سی بی کی مفادات کے تصادم کی پالیسی کا احترام کرتے ہوئے فوری طور پر یہ عہدہ قبول نہیں کر سکتا، پی سی بی کو اپنے فیصلے سے آگاہ کردیا ہے۔
انہوں نے لکھا کہ پی ایس ایل کی میڈیا مصروفیات سے فراغت کے بعد پی سی بی کو اپنی دستیابی سے آگاہ کروں گا جس کے بعد کب اور کیسے میری خدمات حاصل کی جائیں گی اس کا فیصلہ پی سی بی کی جانب سے کیا جائے گا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
