کوئٹہ گلیڈی ایٹرز کے پاس اس مرتبہ چیمپئن بننے کیلئے تمام چیزیں موجود ہیں، حفیظ

پاکستان سپر لیگ ( پی ایس ایل) کی ٹیم کوئٹہ گلیڈی ایٹرز  میں شامل محمد حفیظ کا کہنا ہے کہ میری پہلی ترجیح کرکٹ کھیلنا ہے، موقع کی تلاش میں تھا۔

واضح رہے کہ احسن علی کی انجری کے بعد کوئٹہ گلیڈی ایٹرز نے سابق کپتان  محمد حفیظ کو اسکواڈ میں شامل کیا تھا، اس سے قبل ڈرافٹ کے دوران کسی فرنچائز نے انہیں ٹیم کا حصہ نہیں بنایا تھا۔

جیو نیوز سے خصوصی گفتگو کرتے ہوئے محمد حفیظ نے کہا کہ پی ایس ایل ڈرافٹ میں دستیاب تھا پک نہ ہونے کا محسوس کیا لیکن جب کوئٹہ گلیڈی ایٹرز کی کال آئی تو میں نے ہاں بول دی۔

انہوں نے کہا کہ کوئٹہ گلیڈی ایٹرز میری ہمیشہ دوسری ٹیم رہی لیکن کھیل نہیں سکا، اب موقع ملا ہے تو ٹیم کی کامیابی میں اپنا رول ادا کروں گا۔ 

حفیظ کا کہنا تھا کہ کسی ٹیم میں پک نہ ہونے پر مایوس نہیں ہوا تھا اس کو مثبت انداز میں لیا، میں نے سوچا کہ کوئی نہیں کھلانا چاہتا تو کوئی بات نہیں، میں پریکٹس میں رہا اور موقع کی تلاش میں تھا، مجھے کوئٹہ کی منیجمنٹ نے جو بھی رول دیا وہ بھرپور انداز میں ادا کروں گا۔

انہوں نے کہا کہ کوئٹہ گلیڈی ایٹرز کے پاس نوجوان کھلاڑی ہیں، بیٹنگ تجربہ کار ہے، افتخار احمد اچھا کھیل رہے ہیں  جبکہ سرفراز احمد اور محمد نواز بھی فارم میں ہیں، کوئٹہ کے پاس اس مرتبہ چیمپئن بننے کے لیے تمام چیزیں موجود ہیں۔

سابق کپتان محمد حفیظ کوئٹہ گلیڈی ایٹرز کی ٹیم کا حصہ بن گئے

ذرائع کے مطابق کرکٹر احسان علی انجری کے بعد پی ایس ایل سے باہر ہوگئے۔

محمد حفیظ نے مزید کہا کہ پاکستان سپر لیگ میں جوش و جذبہ پایا جاتا ہے ،مقابلے کی کرکٹ کی وجہ سے یہ لیگ دنیا بھر میں مقبول ہے، پی ایس ایل کی بولنگ کوالٹی کی ہے حارث ،شاہین اور زمان کی بولنگ اس کی مثال ہے۔

انہوں نے کہا کہ لاہور قلندرز کے ساتھ کھیل کر بہت مزہ آیا، یہ میری اپنی ٹیم ہے، قلندرز کے ساتھ فخر اور عزت کے ساتھ کھیلا، فرنچائز کرکٹ کا یہی مزہ ہے کہ آپ جس ٹیم کی طرف بھی کھیلیں اس میں اپنا رول ادا کرتے ہیں۔