15 فروری ، 2023 
بس کی چھت پر سفر کرنے والا طاہر بیگ پی ایس ایل میں کامیابی کا خواہاں
15 فروری ، 2023
ایچ بی ایل پاکستان سپر لیگ (پی ایس ایل) کا میلہ سجے اور لاہور قلندرز کا نیا ٹیلنٹ سر چڑھ کر نہ بولے ایسا ہو نہیں سکتا۔
پی ایس ایل کے آٹھویں ایڈیشن میں نوجوان بیٹر طاہر بیگ سامنے آئے ہیں جنہوں نے قلندرز ڈیجیٹل میں گفتگو کرتے ہوئے بتایا کہ جب وہ پہلی بار لاہور قلندرز کے ٹرائلز دینے لیہ گئے تو بےتحاشہ رش دیکھ کر واپس گھر لوٹ گئے اور وہ لیہ بہت مشکل سے پہنچے تھے کیونکہ ان کے پاس بس کا کرایہ بھی نہیں تھا اور بس کی چھت پر بیٹھ کر سفر کیا تھا۔
انہوں نے بتایا کہ پھر دوبارہ خود کو ٹرائلز کیلئے تیار کیا اور ٹرائلز دیکر منتخب ہوگئے، جب وہ لاہور قلندرز میں شامل ہوئے تو ان کی خوشی کا کوئی ٹھکانہ نہیں تھا اور اب وہ لاہور قلندرز کی طرف سے پی ایس ایل کھیل رہے ہیں۔
طاہر بیگ کا کہنا ہے کہ اے بی ڈویلیئرز ان کے آئیڈیل ہیں، ان کی ویڈیوز دیکھ کر بیٹنگ سیکھنے کی کوشش کرتا ہوں، جب شروع میں کرکٹ کھیلتا تو لوگ باتیں کرتے تھے اب کہتے ہیں کہ نہیں آپ نے اچھے کیلئے محنت کی۔
انہوں نے کہا کہ وہ ایک مکمل کرکٹر بننا چاہتے ہیں، انہیں کرکٹ میں فِنشر بننا ہے تاکہ لوگ صلاحیتوں کی تعریف کریں۔ انہوں نے کہا کہ کرکٹ ان کا جنون ہے اورکرکٹ کے علاوہ کچھ نہیں آتا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
