16 فروری ، 2023 
پاکستان
پی ڈی ایم کی درخواست پر رابطہ کمیٹی مشاورت کر کے فیصلہ کرے گی: ذرائع۔ فوٹو فائل
پی ڈی ایم کی ایم کیو ایم سے قومی اسمبلی کی خالی نشستوں پر ضمنی الیکشن نہ لڑنے کی درخواست
16 فروری ، 2023
کراچی: پاکستان ڈیمو کریٹک موومنٹ (پی ڈی ایم) نے ایم کیو ایم پاکستان سے قومی اسمبلی کی خالی نشستوں پر ہونے والے ضمنی الیکشن میں حصہ نہ لینے کی درخواست کر دی۔
ذرائع کے مطابق پی ڈی ایم رہنماؤں کی جانب سے ایم کیوایم پاکستان کی قیادت سے رابطہ کیا گیا اور ایم کیو ایم سے ضمنی انتخابات میں حصہ نہ لینے کی درخواست کی گئی۔
ذرائع کا بتانا ہے کہ ایم کیو ایم پی ڈی ایم رہنماؤں کی درخواست کو رابطہ کمیٹی کے سامنے رکھے گی۔
ذرائع کا کہنا ہے کہ اب تک ایم کیو ایم پاکستان کا ضمنی انتخابات میں بھرپور حصہ لینے کا فیصلہ برقرار ہے، پی ڈی ایم کی درخواست پر رابطہ کمیٹی مشاورت کر کے فیصلہ کرے گی۔
