18 فروری ، 2023 
کراچی پولیس آفس حملہ: دہشتگردکونسے اسلحے سے لیس تھے؟ تفصیلات سامنے آگئیں
18 فروری ، 2023
کراچی پولیس آفس حملے میں دہشت گردوں سے ملنے والے اسلحے، بارودی مواد اور دیگر اشیاءکی تفصیلات سامنے آگئیں۔
جیو نیوزکو تفتیشی حکام نے بتایا ہےکہ دہشت گردوں کے قبضے سے دو ایس ایم جیز ملی ہیں جن میں سے ایک ایس ایم جی سے نمبر مٹا ہوا ہے، ایک کلاشنکوف کے بٹ پر لال رنگ لگا ہوا ہے۔
تفتیشی حکام کے مطابق حملہ آوروں نے 4 دستی بم استعمال کیے جو پھٹے نہیں، ملنے والے چاروں دستی بموں کی پنیں نکلی ہوئی تھیں، دھماکے سے ہلاک حملہ آور کے پاس سے بھی دستی بم ملا ہے۔
تفتیشی حکام کو ہلاک دہشت گردوں سے دو جیکٹیں ملی ہیں، دہشت گردوں کے قبضے سے بڑی تعداد میں بال بیئرنگ بھی ملے ہیں، دہشت گردوں سے 10 کے قریب اسٹین گرنیڈ بھی ملے، دو استعمال شدہ تھے، دہشت گردوں کے پاس کھانےکی اشیاء بھی تھیں۔
تفتیشی حکام نے تمام اسلحہ اور بارودی مواد فارنزک کے لیے بجھوا دیا ہے۔
