21 فروری ، 2023 
آغاز اچھا نہیں لیکن ہم اب آگے جیت ہی دیکھ رہے ہیں: عمران طاہر
21 فروری ، 2023
پاکستان سپر لیگ (پی ایس ایل) کی ٹیم کراچی کنگز میں شامل جنوبی افریقی کرکٹر عمران طاہر نے کہا ہے کہ مجھے کوئی خرابی نظر نہیں آئی، میں یہ نہیں مانتا کہ ہم نے اچھی کرکٹ نہیں کھیلی، ہم نے قریب جا کر میچز ہارے ہیں، اگرچہ آغاز اچھا نہیں ہے، ہم آگے اب جیت ہی دیکھ رہے ہیں۔
میڈیا سے گفتگو کرتے ہوئے عمران طاہر نے کہا کہ پی ایس ایل ایک بہت اچھا برانڈ ہے، پی ایس ایل میں اب تک پیسرز نے اچھی بولنگ کی ہے، پاکستان فاسٹ بولرز کی وجہ سے ہی جانا جاتا ہے۔
انہوں نے کہا کہ احسان اللہ واحد بولر ہے جو تسلسل کے ساتھ 150 کی اسپیڈ سے بولنگ کر رہا ہے، ہمارے پاس ایسے بیٹرز ہیں جو احسان اللہ کی پیس کو کھیل سکتے ہیں، محمد عامر ہمارے بہترین بولر ہیں۔
ان کا کہنا تھا کہ اسامہ میر، شاداب خان اور عثمان قادر تینوں اچھے لیگ اسپنرز ہیں، یہ بڑی اچھی بات ہے کہ اتنے اچھے اسپنرز پی ایس ایل کھیل رہے ہیں۔
عمران طاہر کا کہنا تھا کہ اس وقت میں سکھانے سے زیادہ کھیل کر انجوائے کر رہا ہوں، اس مرتبہ پی ایس ایل کنڈیشنز پہلے سے بہت مختلف ہیں، بولروں کیلئے اوس کی وجہ سے مشکل کنڈیشنز ہیں۔
انہوں نے کہا کہ ملتان میں ہائی اسکورنگ گیم ہو گا، ملتان میں پہلے بھی کھیل چکا ہوں یہاں پر بہت سپورٹ ملتی ہے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
9 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
11 گھنٹے پہلے
