27 فروری ، 2023 
ہیلز کی پی ایس ایل کو ترجیح، بنگلادیش کیخلاف ون ڈے سیریز سے دستبردار
27 فروری ، 2023
انگلینڈکے جارحانہ بیٹر ایلیکس ہیلز بنگلادیش کے خلاف ون ڈے سیریز سے دستبردار ہوگئے۔
ایلیکس ہیلز انٹرنیشنل ٹی ٹوئنٹی لیگ (آئی ایل ٹی ٹوئنٹی) اور پی ایس ایل معاہدوں کےباعث دستبردار ہوئے۔
ہیلز نے انگلینڈ ٹیم کے ساتھ دورہ بنگلا دیش کے بجائے پی ایس ایل کھیلنے کو ترجیح دی۔
انگلینڈ کرکٹ ٹیم کے کوچ میتھیو موٹ نے کہا کہ ہم نےایلیکس ہیلزکے ساتھ بات کی تھی، ان کا ٹی ٹوئنٹی ورلڈکپ شانداررہا، ان کے لیے اب بھی دروازے کھلےہیں۔
انہوں نے کہا کہ ورلڈکپ 2023کےاسکواڈ کے لیے بیٹھیں گےتو کسی سےرنجش نہیں رکھیں گے،کوئی فارم میں ہےاور بھارت میں ہمارےلیےاچھا ثابت ہوسکتا ہےتو اس کو لیں گے۔
خیال رہے کہ ایلیکس ہیلز کو 2019 کے ورلڈکپ سے قبل اسکواڈ سے نکال دیا گیا تھا،ایلیکس ہیلز گزشتہ برس ستمبر تک ٹیم سے دور رہے۔
بنگلا دیش اور انگلینڈ کے درمیان پہلا ون ڈے یکم مارچ کو ڈھاکا میں کھیلا جائے گا تاہم پی ایس ایل کے لیےانگلینڈ کےکرکٹر ایلیکس ہیلزکا اسلام آباد یونائیٹڈ کےساتھ معاہدہ ہے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
10 گھنٹے پہلے
