27 فروری ، 2023 
کراچی کنگز کے تبریز شمسی نے 'جوتا' اٹھا کر جشن منانے کی وجہ بتادی
27 فروری ، 2023
پاکستان سپر لیگ 8 میں کراچی کنگز کی نمائندگی کرنے والے جنوبی افریقی کرکٹر تبریز شمسی نے ملتان سلطانز کے خلاف وکٹ لینے پر جوتا اٹھا کر جشن منانے کی وجہ بتائی ہے۔
تبریز سے ایک ٹوئٹر صارف نے سوال کیا کہ جوتا اٹھا کر جشن منانے کے پیچھے کیا کہانی ہے؟
جواب میں تبریز شمسی نے ٹوئٹ کی اور بتایا کہ جب بولر وکٹ لیتا ہے تو کبھی کبھار امپائر تھرڈ امپائر سے تصدیق کرتا ہے یہ آؤٹ ہے یا نہیں ہے؟
کرکٹر نے کہا کہ اسی طرح میں بھی تھرڈ امپائر کو نمبر ملارہا تھا یہ پوچھنے کے لیے کہ یہ آؤٹ ہوا یا نہیں۔
ایچ بی ایل پی ایس ایل میں کراچی کنگزکی نمائندگی کرنے والے تبریز شمسی نے کہا کہ ایسی کوئی سنجیدہ بات نہیں ہے، جوتے سے فون ملانا فیلڈ پر ایک تفریح تھی اور کچھ نہیں۔
خیال رہے کہ تبریز شمسی اکثر وکٹ لینےکے بعد اپنا جوتا اتار کر نمبر ڈائل کرتے ہیں اور اسے کان سے لگاتے ہیں۔
واضح رہے کہ ایچ بی ایل پی ایس ایل 8 کے چودھویں میچ میں کراچی کنگز نے ملتان سلطانز کو 66 رنز سے شکست دی، کراچی کنگز کی جانب سے شعیب ملک اور تبریز شمسی نے شاندار بولنگ کا مظاہرہ کرتے ہوئے 3، 3 کھلاڑیوں کو آؤٹ کیا ۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
