03 مارچ ، 2023 
پاکستان
کراچی میں گزشتہ روز ہونے والے قتل کی فوٹیج سامنے آگئی
03 مارچ ، 2023
کراچی کے علاقے پی ای سی ایچ سوسائٹی میں کشمیر روڈ پر کار پر ٹارگٹڈ فائرنگ کی سی سی ٹی وی فوٹیج سامنے آگئی ہے جسے پولیس نے مقدمے کی کارروائی کا حصہ بنا لیا ہے۔
سی سی ٹی وی فوٹیج میں کلاشنکوف بردار ملزمان کو گاڑیوں کے بیچ موٹرسائیکل پر دندناتے دیکھا جاسکتا ہے۔
دو میں سے ایک ملزم نے کار پر کلاشنکوف سے انتہائی قریب سے فائرنگ کی۔
واردات میں ملوث ایک ملزم موٹر سائیکل پر بیٹھے دیکھا جاسکتا ہے۔ دوسرے ملزم نے موٹرسائیکل سے اتر کر اطمینان سے کار پر گولیاں برسائیں۔
واردات کے بعد دونوں ملزمان فرار ہوگئے۔ پولیس کے مطابق سی سی ٹی وی فوٹیج کی مدد سے ملزمان کی تلاش جاری ہے۔
