06 مارچ ، 2023 
کراچی: پولیس افسر کو زخمی کرنیوالا لیاری گینگ وار کا اہم کمانڈر زخمی حالت میں گرفتار
06 مارچ ، 2023
کراچی: پولیس افسر کو زخمی کرنے والا لیاری گینگ وار کا اہم کمانڈر زخمی حالت میں گرفتار کرلیا گیا۔
ایس ایس پی سٹی عارف عزیز کے مطابق پولیس کے مخبر خاص کی اطلاع پر چھاپے کے دوران ملزم نے پولیس کو دیکھتے ہی فائرنگ شروع کردی، فائرنگ کے تبادلے کے نتیجے میں ایک ملزم زخمی حالت میں گرفتار ہوا۔
ملزم اور پولیس کے درمیان فائرنگ کا تبادلہ تھانہ کلاکوٹ کی حدود میں پیش آیا۔
پولیس کے مطابق ملزم کا تعلق لیاری گینگ وار عزیر بلوچ گروپ سے ہے.جس کی شناخت عبدالرحیم عرف پی آئی اے کے نام سے ہوئی ہے۔ملزم سے اسلحہ بمعہ راؤنڈز اور ایک چوری شدہ موٹر سائیکل برآمد ہوئی۔
ایس ایس پی سٹی عارف عزیز کا کہنا ہے کہ ملزم عزیر بلوچ گروپ کے نام پر سنگین نوعیت کے جرائم کی وارداتیں کرتا تھا،ملزم پولیس کو قتل، پولیس مقابلوں اور اقدام قتل کے کئی مقدمات میں مطلوب تھا۔
ملزم کا مزید سابقہ کریمنل ریکارڈ معلوم کیا جا رہا ہے۔
