16 مارچ ، 2023 
کراچی: پولیس نے بلڈر کے قاتل کو زخمی حالت میں گرفتار کرلیا
16 مارچ ، 2023
کراچی: شاہراہ نور جہاں پولیس نے مقامی بلڈر کے قتل میں ملوث ملزم کو مقابلے کے بعد زخمی حالت میں گرفتار کرلیا۔
پولیس کے مطابق شاہراہ نور جہاں پولیس نے نارتھ ناظم آباد بلاک آر میں کارروائی کے دوران روی ولد گوپال ویرا نامی ملزم کو مقابلے میں زخمی حالت میں گرفتار کیا جب کہ ملزم کا ساتھی بہادر علی عرف فیضل کالا ولد عبدالکریم فرار ہوگیا۔
پولیس کے مطابق گرفتار زخمی ملزم کے قبضے سے ایک پستول، 30 بور لوڈ میگزین، موبائل فون اور موٹر سائیکل برآمد ہوا۔
پولیس کے مطابق ملزم اور اس کے دو ساتھیوں کا 3 رکنی گروہ گھروں میں ڈکیتیوں، اسٹریٹ کرائمز اور دوران ڈکیتی قتل میں ملوث ہے، ملزم نے تیموریہ کی حدود میں 4 فروری کو دوران ڈکیتی ایک بلڈر سمیر کو قتل کرنے کا اعتراف بھی کرلیا، بلڈر سمیر نے دوران ڈکیتی ملزم کے ایک ساتھی راشد ولد ایوب کو فائرنگ کرکے ہلاک کردیا تھا۔
