10 اپریل ، 2023 
آئرلینڈ میں غیر متوازن لینڈنگ کے دوران پرواز کو حادثہ، ڈبلن ائیرپورٹ کا ایک رن وے بند
10 اپریل ، 2023
یورپی ملک آئرلینڈ کے ڈبلن ائیرپورٹ پر غیر متوازن لینڈنگ کے دوران ریان ائیر کی پرواز حادثے کا شکار ہوگئی تاہم کسی جانی نقصان کی اطلاع نہیں ملی۔
ایوی ایشن ذرائع کے مطابق ریان ائیر کی پرواز ایف آر 5542 انگلینڈ کے لیورپول جان لینن ائیرپورٹ سے آئرلینڈ پہنچی۔ پرواز ڈبلن انٹرنیشنل ائیرپورٹ کے رن وے نمبر 28 پر لینڈنگ کے دوران غیر متوازن ہوئی اور رن وے سے ٹکرانے سے بوئنگ 737 طیارے کا اگلا گیئر بری طرح نقصان کا شکار ہوا۔ نوز گیئر کا ٹائر پھٹ گیا تاہم طیارہ کسی بڑے حادثے سے بال بال بچ گیا۔
ائیرپورٹ انتظامیہ کے مطابق اس واقعے میں کسی مسافر یا عملے کے رکن کے زخمی ہونے کی کوئی اطلاع نہیں ہے۔
ائیرپورٹ انتظامیہ کے بیان کے مطابق اس واقعے میں ایک مسافر کی صدمے سے حالت خراب ہوئی تاہم ہنگامی صورتحال کے بعد پہنچنے والے نیشنل ایمبولینس سروس کے اہلکاروں نے مسافروں کی جانچ پڑتال کی۔
ایمرجنسی کی وجہ سے ڈبلن ائیرپورٹ کا جنوبی رن وے بند ہے اور شمالی رن وے استعمال میں ہے۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
4 گھنٹے پہلے
ایلون مسک کی دولت ریکارڈ 348 ارب ڈالرز تک پہنچ گئی
12 گھنٹے پہلے
