چوہدری شجاعت ق لیگ کے سربراہ ہیں، الیکشن کمیشن نے چوہدری وجاہت کی درخواست مستردکردی

پاکستان مسلم لیگ ق کے آئین میں ترمیم کرکے صدر کی مدت دو سال کرنے سے متعلق چوہدری وجاہت کی درخواست الیکشن کمیشن نے مسترد کر دی۔ 

الیکشن کمیشن نے فیصلے میں چوہدری وجاہت کی درخواست مسترد کرتے ہوئے قرار دیا ہےکہ  چوہدری وجاہت پارٹی آئین میں ترمیم نہیں کرسکتے تھے، الیکشن کمیشن کا چوہدری شجاعت کے پارٹی صدر برقرار ہونے سے متعلق فیصلہ اس وقت موجود تھا۔

چوہدری شجاعت کے بھائی چوہدری وجاہت کا نئی پارٹی بنانے کا اعلان

چوہدری شجاعت کا بیٹا زرداری سے ڈالر مانگ رہا ہے، سالک حسین کا گجرات کی سیاست سے کبھی کوئی تعلق نہیں رہا، چوہدری وجاہت

الیکشن کمیشن کا کہنا ہےکہ پرانے فیصلے کے مطابق چوہدری شجاعت پارٹی سربراہ ہیں، چوہدری وجاہت کی درخواست مسترد کی جاتی ہے۔

خیال رہے کہ 26 جنوری کو مسلم لیگ ق کے  رہنما اور چوہدری وجاہت حسین نے پارٹی کے آئین میں ترمیم کی تھی جس کے تحت صدر کی مدت کو کم کرکے 2 سال کردیا گیا تھا۔

چوہدری وجاہت حسین نے آئینی ترمیم کرکے نیا انٹرا پارٹی الیکشن بھی کرادیا تھا۔