10 مئی ، 2023 
پاکستان
گزشتہ روز کراچی میں پی ٹی آئی کارکنان کی جانب سے شدید احتجاج کیا گیا جس دوران مشتعل افراد نے کچھ گاڑیوں کو بھی آگ لگادی/ فائل فوٹو
کراچی میں آج گرین لائن اور اورنج لائن بس سروس بند رہے گی
10 مئی ، 2023
کراچی: شہر میں غیر یقینی صورتحال کے باعث آج بعض بس سروسز بند رہیں گے۔
گزشتہ روز تحریک انصاف کے چیئرمین عمران خان کو گرفتار کیا گیا جس کے بعد ملک بھر میں پی ٹی آئی کارکنان نے احتجاج شروع کردیا تھا۔
گزشتہ روز کراچی میں پی ٹی آئی کارکنان کی جانب سے شدید احتجاج کیا گیا جس دوران مشتعل افراد نے کچھ گاڑیوں کو بھی آگ لگادی جس کے بعد انتظامیہ نے اب بس سروس کے حوالے سے فیصلہ کیا ہے۔
انتظامیہ کے مطابق شہر میں سکیورٹی کے پیش نظر گرین لائن اور اورنج لائن بس سروس کو آج بند کیا گیا ہے۔
انتظامیہ کا کہنا ہےکہ شہر میں جلاؤ گھیراؤ اور بدامنی کے خدشات کی وجہ سے بی آر ٹی ایس کو بند کرنے کا فیصلہ کیا گیا ہے۔
