10 مئی ، 2023 
پاکستان
کسی کو شہر کا امن خراب کرنے کی اجازت نہیں دی جائے گی: جاوید عالم اوڈھو کی جیونیوز سے گفتگو/ فوٹو پی پی آئی
شارع فیصل پر احتجاج کرنیوالوں کو گرفتار کریں گے: کراچی پولیس چیف
10 مئی ، 2023
کراچی پولیس چیف جاوید عالم اوڈھو کا کہنا ہے کہ کسی کو شہر کا امن خراب کرنے کی اجازت نہیں دی جائے گی۔
جیونیوز سےگفتگو کرتے ہوئے کراچی پولیس چیف جاوید عالم اوڈھو نے کہا کہ پی ٹی آئی نے شارع فیصل پر 2 بجے مظاہرے کا اعلان کیا ہے، مظاہرین کو روکنےکےلیے پولیس کی حکمت عملی تیار ہے، شارع فیصل پرپولیس اور رینجرز کی نفری تعینات کردی ہے جب کہ شارع فیصل پہنچنے پر مظاہرین کو فوراً گرفتار کیا جائے گا۔
انہوں نے کہا کہ پیپلزبس کو جلانے والے 2 ملزمان کوگرفتار کرلیا ہے اس کے علاوہ متعدد پی ٹی آئی رہنماؤں اور کارکنوں کو گرفتارکیا ہے اور ان کے خلاف مقدمات درج کیے جارہے ہیں، ہم شہر کا امن کسی کو خراب کرنے کی اجازت نہیں دیں گے۔
