31 مئی ، 2023 
پاکستان
فیصل آباد انٹرنیشنل ائیرپورٹ کے رن وے پر پہلی فلائٹ پی کے 224 بدھ کی رات 10 بجے اتری۔ فوٹو فائل
تعمیر نو کے بعد فیصل آباد ائیرپورٹ کا رن وے بھی آپریشنل
31 مئی ، 2023
فیصل آباد انٹرنیشنل ائیرپورٹ کے رن وے کو بھی تعمیر نو کے بعد آپریشنل کر دیا گیا۔
دوبارہ تعمیر کیے گئے فیصل آباد انٹرنیشنل ائیرپورٹ کے رن وے پر پہلی فلائٹ پی کے 224 بدھ کی رات 10 بجے اتری۔
اس موقع پر ائیرپورٹ مینیجر، سینئر اے ٹی سی او اور پروجیکٹ ڈائریکٹر اپنی ٹیموں کے ہمراہ موجود تھے۔
لینڈنگ کے بعد پائلٹ آن کمانڈ نے پروجیکٹ کو مکمل کرنے پر سی اے اے کو مبارکباد بھی دی۔
سول ایوی ایشن اتھارٹی کے حکام کے مطابق فیصل آباد ائیرپورٹ کے رن وے کی تعمیر نو پر 4 ارب روپے لاگت آئی۔
