01 جنوری ، 2013 
طاہرالقادری کے مشن سے جمہوریت مضبوط ہوگی،چودھری شجاعت
01 جنوری ، 2013
لاہور....مسلم لیگ (ق) کے رہنماو¿ں چودھری شجاعت اورچودھری پرویز الٰہی کا کہنا ہے کہ ڈاکٹر طاہرالقادری کے مشن سے جمہوریت مضبوط ہوگی۔ ظلم کے خلاف تحریک میں ان کا بھرپور ساتھ دیں گے۔ لاہورمیں اپنی رہائش گاہ پر تحریک منہاج القرآن کے سربراہ ڈاکٹر طاہرالقادری سے ملاقات کے بعد میڈیا سے گفتگو کرتے ہوئے چودھری شجاعت نے کہا کہ ڈاکٹر طاہرالقادری نے جو ظلم کیخلاف تحریک چلائی ہے اس میں ان کا ساتھ دیا جائے گا۔ انہوں نے کہا ضمنی انتخابات الیکشن کمیشن کیلئے ٹیسٹ کیس تھے، پہلے ہی کہہ دیا تھاکہ شریف برادران کی پالیسی سے الیکشن کمیشن کی بدنامی ہوگی۔ چودھری پرویز الٰہی نے کہا کہ انتخابی اصلاحات کے بارے میں ڈاکٹر طاہرالقادری کے مشن سے جمہوریت مضبوط اورآئین کی پاسداری ہوگی۔
مزید خبریں :
