27 جون ، 2023 
کراچی میں ٹک ٹاکر کی لاش اسپتال لانے کا معاملہ: مرکزی ملزم لندن فرار ہوگیا
27 جون ، 2023
کراچی کے جناح اسپتال میں 24 جون کو لڑکی کی لاش چھوڑ کر فرار ہونے کے کیس کی مزید معلومات سامنے آگئیں۔
سینیئر سپرنٹنڈنٹ آف پولیس (ایس ایس پی) جنوبی اسد رضا نے میڈیا کو بتایا کہ 22 جون کو ڈی ایچ اے کا بنگلہ آن لائن ایپ کے ذریعے 8 افراد کیلئے بک کرایا گیا، بکنگ کرانے والا شخص کاروبار کیلئے لندن سے کراچی آیا تھا۔
انہوں نے کہا کہ 23 اور 24 جون بنگلے میں پارٹی تھی جس میں نشہ آور اشیا استعمال کی گئیں۔
ان کا کہنا تھاکہ پارٹی کیلئے ڈیفنس کا بنگلہ کرائے پر حاصل کرنے والا ملزم واقعے والے روز ہی لندن فرار ہوگیا، اس کی گرفتاری کیلئے اقدامات کیے جارہے ہیں۔
پولیس نے لاش جناح اسپتال میں چھوڑ کر جانے والے شخص جبران عرف جیری کو گزشتہ شب گرفتار کیا اور سی سی ٹی وی کی مدد سے گاڑی بھی برآمد کرلی ہے۔
ملزم جبران نے اپنے بیان میں بتایا کہ وہ بدر کمرشل ایریا کا رہائشی ہے جبکہ شیریں عرف پنکی شارع فیصل پر واقع ہوٹل میں رکی ہوئی تھی، جب عائشہ کی حالت غیر ہوئی تو جبران اور پنکی اسے نجی اسپتال لے گئے پھر نجی اسپتال کے انکار پر دونوں نے عائشہ کو جناح اسپتال منتقل کردیا۔
مزید خبریں :
مظفر گڑھ: نرس سے زیادتی کی کوشش کرنیوالا مرکزی ملزم گرفتار
29 اکتوبر ، 2024
