11 جولائی ، 2023 
نیدر لینڈز کے کوچ برصغیر میں میچز اور اسپانسرز کیلئے درخواست کرتے ہوئے جذباتی ہوگئے
11 جولائی ، 2023
نیدر لینڈز ٹیم کےکوچ برصغیر میں میچز اور اسپانسرز کیلئے درخواست کرتے ہوئے جذباتی ہوگئے۔
نیدرلینڈز اور سری لنکا کی کرکٹ ٹیموں نے ورلڈکپ کے لیے کوالیفائی کیا ہے تاہم اب ٹیم کے کوچ ریان کک نےجذباتی بیان دیتے ہوئے ون ڈے میچز کی سیریز اور اسپانسرز کے لیے درخواست کردی۔
نیدر لینڈز کےکوچ نے ورلڈکپ سے قبل برصغیر میں میچز کے لیے اپیل کرتے ہوئے کہا کہ ورلڈکپ سے قبل نیدرلینڈز کی کوئی ون ڈے سیریز شیڈولڈ نہیں ہے، یہ ہماری سب کے لیے پکار ہے کہ کوئی ہمارے ساتھ کھیلنا چاہتا ہے۔
ریان کک نے کہا کہ ہمارے لیے بر صغیر میں میچز اچھے ہوں گے،ہمارے کھلاڑی برصغیر میں زیادہ نہیں کھیلے ہوئے، بر صغیر میں میچز کھیلنے سے کھلاڑیوں کو فائدہ ہوگا،مجھے امید ہے کہ ٹیم کے لیے 1 سے 2 اسپانسرز بھی مل جائیں گے۔
انہوں نے کہا کہ دوسرے ممالک کے مقابلے میں نیدرلینڈز کے کھلاڑیوں کے معاوضے کم ہیں، کوچنگ اسٹاف میں ہمارا صرف ایک رکن فل ٹائم ہے،ہم اسپانسرز کو دعوت دیتے ہیں کہ وہ ہمیں اسپانسر کریں، ورلڈکپ کی شرٹ کے سامنے اور سائیڈ پر جگہ حاصل کر سکتے ہیں۔
واضح رہے کہ ورلڈ کپ میں نیدرلینڈز کی ٹیم پہلا میچ پاکستان کے خلاف حیدر آباد میں کھیلے گی۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
