19 جولائی ، 2023 
لندن سے چوری ہوکرکراچی سے برآمد قیمتی کار بلغاریہ کے سفارت خانے کے سپرد کی جائے گی
19 جولائی ، 2023
لندن سے چوری کیے جانے کے بعد کراچی سے برآمد ہونے والی 35 کروڑ روپے مالیت کی بینٹلے مولسین وی 8 کاربلغاریہ کے سفارت خانے کے سپرد کی جائے گی۔
کسٹمز ایپلیکنٹ ٹربیونل نے سفارت خانے کے تحریری انکار کی صورت میں گاڑی وزارت خارجہ کے سپرد کرنے کا تحریری حکم جاری کردیا۔
دستیاب فیصلے کی کاپی میں گاڑی سفارتخانے یا وزارت خارجہ کے سپرد کیے جانے کیلئے برطانوی ایجنسی اور سینٹرل نیشنل بیورو کے علم میں لانا بھِی ضروری قرار دیا گیا ہے۔
کسٹم اپیلنٹ ٹریبونل کراچی نے حوالگی کا حکم مقدمے میں نامزد افراد کی کسٹم اپیل مسترد کرتے ہوئے جاری کیا۔
گاڑی کسی بھی صورت چوری کرکے پاکستان منتقل کرنے والوں کے حوالے نہ کی جائے، بیش قیمت بینٹلے کار ستمبر 2020 میں برطانوی خفیہ ایجنسی کی اطلاع پر ڈیفنس فیز 2 کے بنگلے سے برآمد کی گئی تھی۔
برطانوی خفیہ ایجنسی کے مطابق کار لندن سے چوری کے بعد کراچی منتقل کی گئی۔
مقدمے میں نامزد ملزمان کے مطابق گاڑی بلغاریہ کے سفارت خانے کے نام پر منتقل کی گئی تھی، برآمدگی کے وقت گاڑی پر کراچی کی رجسٹریشن نمبر پر مبنی پلیٹ موجود تھی، بنگلے کا مالک طلبی پر دستاویزات فراہم کرنے سے قاصر رہا۔
محکمے کی ویب سائٹ کے مطابق گاڑی محکمہ موٹر رجسٹریشن ایکسائز اینڈ ٹیکسیشن میں رجسٹرڈ تھی، خلاف قانون رجسٹریشن کیلئے وزارت خارجہ کی اجازت پاکستان کسٹمز کا این او سی اور ٹیکس و ڈیوٹی کی ادائیگی کی رسیدیں بھی جمع نہیں کرائی گئیں۔
مزید خبریں :
رمضان میں پیپلز بس سروس کے اوقات میں توسیع کا اعلان
5 گھنٹے پہلے
افطار میں بنائیں مزیدار چکن چیز رول
10 گھنٹے پہلے
موسیٰ ہراج آکسفورڈ یونین کے صدر منتخب
12 گھنٹے پہلے
