22 جولائی ، 2023 
پاکستان
نورجہاں کے مقبرے کی شمالی بیرونی دیوار اور دیگر کچھ حصے خستہ ہال ہیں، والڈ سٹی اتھارٹی— فوٹو:فائل
لاہور میں طوفانی بارش کے باعث ملکہ نورجہاں کے مقبرے کی بیرونی دیوار گرگئی
22 جولائی ، 2023
لاہور میں طوفانی بارش کے باعث ملکہ نورجہاں کے مقبرے کی بیرونی دیوار گرگئی۔
لاہور میں مسلسل 6 گھنٹے 45 منٹ برسنے والے بادلوں نے شہر کی سڑکوں، چوک چوارہوں، گلیوں اور بازاروں کو تالاب بنا دیا۔
واسا کے مطابق سب سے زیادہ بارش ائیرپورٹ اور گلشن راوی میں 200 ملی میٹر سے زائد ریکارڈ کی گئی۔
بارش کے باعث ملکہ نورجہاں کے مقبرے کی بیرونی دیوار گرگئی۔
ترجمان والڈ سٹی اتھارٹی کے مطابق مقبرے کا چارج ایک ماہ قبل والڈ سٹی اتھارٹی نے محکمہ آثار قدیمہ سے لیا۔
ترجمان نے بتایاکہ نورجہاں کے مقبرے کی شمالی بیرونی دیوار اور دیگر کچھ حصے خستہ ہال ہیں، خستہ حال حصوں کو محفوظ کرنے کیلئے جلد کام شروع ہوگا۔
