06 اگست ، 2023 
بابر ، رضوان اور شاہین کیلئے 45 لاکھ ماہانہ تنخواہ، راشد لطیف نے آواز بلند کر دی
06 اگست ، 2023
پاکستان کرکٹ ٹیم کے سابق کپتان راشد لطیف نے سینٹرل کنٹریکٹ میں کھلاڑیوں کو 45 لاکھ ماہانہ تنخواہ کی پیشکش کو کم قرار دے دیا۔
اپنے ایک بیان میں سابق کپتان راشد لطیف نے کھلاڑیوں کے حق میں آواز بلند کرتے ہوئے کہا کہ کھلاڑیوں کے سینٹرل کنٹریکٹ میں 45 لاکھ ماہانا تک کی پیشکش کم ہے۔
انھوں نے کہا کہ بابر اعظم، محمد رضوان اور شاہین شاہ آفریدی کے لیے یہ اضافہ بہت کم ہوگا، نئے کنٹریکٹ کے تحت ان کھلاڑیوں کو صرف ایک لیگ کھیلنے کی اجازت ہوگی۔
راشد لطیف کے مطابق اگر بابر اعظم لنکا پریمیئر لیگ، آئی ایل لیگ، بی پی ایل کیربیئن لیگ نہیں کھیلے گا تو ان کو 20 لاکھ ڈالر کا نقصان ہوگا، اس کے بدلے کھلاڑیوں کو صرف 15 ہزار 800 ڈالر مل رہے ہیں۔
راشد لطیف نے مزید کہا کہ پاکستان کرکٹ بورڈ ( پی سی بی ) کی پیشکش اور لیگ سے ملنے والے پیسوں کا موازنہ کیا جائے تو بہت بڑا فرق نظر آئے گا۔
یاد رہے کہ پی سی بی کی مینجمنٹ کمیٹی نے کھلاڑیوں کو نئے سینٹرل کنٹریکٹ میں تنخواہوں میں بڑے پیمانے پر اضافے کا عندیہ دیا ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
