چیئرمین پی سی بی منیجمنٹ کمیٹی ذکاء اشرف سے علیم ڈار کی ملاقات

لاہور : پاکستان کرکٹ بورڈ (پی سی بی) کی منیجمنٹ کمیٹی کے چیئرمین ذکاء اشرف سے مایہ ناز امپائر علیم ڈار کی ملاقات ہوئی ہے۔

ملاقات پی سی بی ہیڈ کوارٹر  قذافی اسٹیڈیم میں ہوئی، علیم ڈار نے ذکاء اشرف کو  ذمہ داریاں سنبھالنے پر مبارکباد دی۔

چیئرمین منیجمنٹ کمیٹی ذکاء اشرف نے علیم ڈار کی امپائرنگ کے شعبے میں خدمات کو  سراہا، ذکاء اشرف اور علیم ڈار نے پاکستان میں امپائرنگ کے شعبے میں اپ گریڈیشن کے حوالے سے تبادلہ خیال کیا۔