13 اگست ، 2023 
تزئین و آرائش پر کروڑوں روپے لگ گئے لیکن ہاکی اسٹیڈیم افتتاح کیلئے وزیراعظم کی راہ تکتا رہا
13 اگست ، 2023
دنیا کے سب سے بڑے نیشنل ہاکی اسٹیڈیم لاہور میں آسٹرو ٹرف کی تنصیب مکمل ہو گئی۔
ہاکی اسٹیڈیم کی تزئین و آرائش پر کروڑوں روپے لگا دیے گئے لیکن اسٹیڈیم افتتاح کے لیے وزیراعظم پاکستان کی راہ تکتا رہا، پھر حکومت کی مدت ختم ہو گئی اور نگران سیٹ اپ آ گیا۔
نیشنل ہاکی اسٹیڈیم لاہور میں نئی آسٹرو ٹرف بچھانے کا منصوبہ گزشتہ برس شروع ہوا جو اب مکمل کیا گیا ہے۔
ساتھ ہی محکمہ اسپورٹس پنجاب نے نیشنل ہاکی اسٹیدیم کی اپ گریڈیشن اور تزئین و آرائش کا منصوبہ بھی بنایا، پلان یہ تھا کہ اگست کے پہلے ہفتے میں وزیراعظم شہباز شریف اس کا افتتاح کریں گے لیکن حکومت کے آخری دن ہونے کی وجہ سے ایسا ممکن نہ ہو سکا۔
وزیراعظم شہباز شریف سرکاری اور سیاسی مصروفیات کی وجہ سے اسٹیڈیم کے افتتاح کے لیے لاہور نہ آ سکے۔
بتایا گیا ہے کہ وزیر اعظم کی آمد کی وجہ سے وسیع پیمانے پر نیشنل ہاکی اسٹیڈیم کی تزئین و آرائش کی گئی تھی۔
آسٹروٹرف کے منصوبے پر 12 کروڑ روپے سے زائد کا خرچ آیا جبکہ اپ گریڈیشن کے لیے 6 کروڑ روپے سے زائد رقم لگا دی گئی۔
سیکرٹری اسپورٹس شاہد زمان کا کہنا ہے کہ مصروفیات کے باعث شہباز شریف کا آنا ممکن نہ ہو سکا لیکن یہ سب کچھ افتتاح کے لیے نہیں کیا گیا تھا۔
مزید خبریں :
لیور پول نے انگلش پریمیئر لیگ کا ٹائٹل جیت لیا
28 اپریل ، 2025
پی ایس ایل 10 کے 2 میچ ری شیڈول کر دیےگئے
27 اپریل ، 2025
آئی پی ایل میں امپائرز کو ایک میچ کی کتنی فیس ملتی ہے؟
27 اپریل ، 2025
