16 اگست ، 2023 
اسمبلی تحلیل ہو چکی، نئے الیکشن کا انتظار کرنا چاہیے، عمران کی دوبارہ گنتی کیخلاف درخواست نمٹا دی گئی
16 اگست ، 2023
سپریم کورٹ نے چیئرمین پاکستان تحریک انصاف (پی ٹی آئی) عمران خان کی سابقہ قومی اسمبلی کے حلقہ این اے 131 لاہور میں دوبارہ گنتی کے خلاف درخواست نمٹا دی۔
چیف جسٹس پاکستان کی سربراہی میں دو رکنی بینچ نے حلقہ این اے 131 لاہور میں دوبارہ گنتی کے خلاف درخواست پر سماعت ہوئی۔
چیف جسٹس عمر عطا بندیال نے چیئرمین پی ٹی آئی کے وکیل بابر اعوان سے مکالمہ کرتے ہوئے کہا کہ دوبارہ گنتی کی اپیل تو اب غیر مؤثر ہو چکی، جس پر بابر اعوان نے جواب دیا کہ جی سر بلکل غیر مؤثر ہو چکی ہے۔
بابر اعوان نے کہا کہ اجازت دیں تو اس معاملے پر چیئرمین پی ٹی آئی سے نئی ہدایات لے لوں، جس پر چیف جسٹس نے ریمارکس دیے کہ قومی اسمبلی تحلیل ہو چکی ہے، اسمبلی تحلیل ہونے کے بعد اس معاملے پر مزید کیا ہو سکتا ہے، اب نئے انتخابات کا انتظار کرنا چاہیے۔
چئیرمن پی ٹی آئی کے وکیل نے کہ کہ نئے انتخابات کا تو ہمیں بھی بے صبری سے انتظار ہے۔
سپریم کورٹ نے درخواست عمران خان کی درخواست غیر مؤثر ہونے پر نمٹا دی۔
یاد رہے کہ چیئرمین پی ٹی آئی نے این اے 131 لاہور میں دوبارہ گنتی کے خلاف اپیل دائر کر رکھی تھی جس پر لاہور ہائیکورٹ نے سعد رفیق کی درخواست پر این اے 131 میں دوبارہ گنتی کا حکم دیا تھا۔
چیئرمین پی ٹی آئی عمران خان نے لاہور ہائیکورٹ کا فیصلہ چیلنج کر رکھا تھا۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
7 گھنٹے پہلے
کیا پیراتھائرائیڈکا علاج پاکستان میں ممکن ہے؟
9 گھنٹے پہلے
