26 اگست ، 2023 
کراچی میں ٹیکسی ڈرائیور کا قتل، بھائی بھی 8 سال قبل ایسے ہی ڈکیتوں کا نشانہ بنا
26 اگست ، 2023
کراچی ائیرپورٹ سے واپس گھر جانے والوں کی گاڑی نہ روکنے پر ملزمان کی فائرنگ سے ٹیکسی ڈرائیور جاں بحق ہوا، مقتول کے بھائی کو بھی 8 سال قبل کراچی میں ہی ڈکیتی مزامت پر قتل کیا گیا۔
پولیس ذرائع کے مطابق نیو کراچی سے ایک فیملی گزشتہ رات عمرے پر جانے کے لیے گھر پر روانہ ہوئی تھی، فیملی کراچی ائیرپورٹ پر پہنچی تو پتہ چلا کہ ان کی پرواز منسوخ ہو گئی ہے جس پر ٹیکسی ڈرائیور ممتاز انہیں لے کر واپس نیو کراچی پہنچا تو گلی میں مسلح ملزمان نے لوٹ مار کی غرض سے گاڑی روکنے کی کوشش کی۔
ذرائع کا بتانا ہے ممتاز نے گاڑی نہ روکی تو ملزمان نے تعاقب کے بعد فائرنگ کر دی جس سے ٹیکسی ڈرائیور ممتاز جاں بحق ہوگیا، مقتول ممتاز کو نیو کراچی ڈیکا موڑ کے قریب بلال کالونی تھانے کی حدود میں قتل کیا گیا۔
اہلخانہ کے مطابق مقتول تین بچوں کا باپ اور ائیرپورٹ پر ٹیکسی چلاتا تھا اور ائیر پورٹ کے قریب گرین ٹاؤن میں اکیلا رہائش پزیر تھا، مقتول کا آبائی تعلق نتھیا گلی مری سے ہے، خاندان کے دیگر افراد آبائی گاؤں میں ہی موجود ہیں۔
لواحقین کے مطابق صبح سویرے ممتاز کے موبائل پر کال کرنے پر واقعے کی اطلاع ملی، مقتول ممتاز کا بھائی ریاض بھی 8 سال قبل ڈکیتوں کی گولی کا نشانہ بنا تھا۔
پولیس حکام کے مطابق جائے وقوعہ سے شواہد جمع کر لیے گئے ہیں اور واقعے کی مزید تحقیقات کی جا رہی ہیں۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
