11 ستمبر ، 2023 
کراچی میں پولیس ڈاکوؤں کے سامنے بے بس، جرائم کی شرح میں بے حد اضافہ
11 ستمبر ، 2023
کراچی میں جرائم پیشہ عناصر آزاد اور پولیس بے بس ہوگئی، شہر بھر میں روزانہ درجنوں شہری لُٹنے اور مرنے لگے، رواں برس ڈکیتی مزاحمت پر اب تک 92 افراد جان سے جا چکے ہیں۔
رواں ماہ کے ابتدائی دس روز میں ڈاکوؤں نے مزاحمت پر 3 شہریوں کو موت کے گھاٹ اتار دیا جبکہ مختلف ڈکیتیوں کی وارداتوں میں 10 سے زائد افراد زخمی بھی ہوئے۔
سٹیزن پولیس لائیزن کمیٹی (سی پی ایل سی) کے اعداد و شمار کے مطابق رواں سال کے دوران اسٹریٹ کرائم کی وارداتوں میں اب تک 92 افراد جان کی بازی ہار چکے ہیں جبکہ دیگر واقعات میں 327 افراد قتل ہو چکے ہیں۔
2023 کے 8 ماہ میں 1329 گاڑِیاں چوری اور 147 چھینی گئیں جبکہ 34886 موٹر سائیکل چوری اور 4329 چھینی گئیں۔
اسٹریٹ کرائم کی مختلف وارداتوں میں شہریوں سے 16338 موبائل فونز چھینے گئے اس کے علاوہ اغوا برائے تاوان کی 8 اور بھتہ خوری کی 14 وارداتیں رپورٹ ہوئیں۔
شہر کی موجودہ صورتحال بھاری بھرکم تنخواہ پانے والے پولیس افسران کے ساتھ ساتھ نگران صوبائی حکومت کیلئے بھی کسی چیلنج سے کم نہیں ہے۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
