02 اکتوبر ، 2023 
پاکستان نے ویسٹ انڈیزکو شکست دیکر گلوبل اوور 40 کرکٹ کپ جیت لیا
02 اکتوبر ، 2023
پاکستان نے ویسٹ انڈیز کو 152 رنز سے شکست دے کرگلوبل اوور 40 کرکٹ کپ کا ٹائٹل جیت لیا۔
نیشنل بینک کرکٹ اسٹیڈیم میں پاکستان ٹیم کےکپتان عبدالرزاق نے ٹاس جیت کر پہلے بیٹنگ کا فیصلہ کیا۔
پاکستان کی پہلی وکٹ امجد علی کی گری وہ 28 رنز بناسکے،کپتان عبدالرزاق طبیعت خراب ہونےکی وجہ سے اننگز چھوڑ کر پویلین چلےگئے، پھر مصباح الحق اور حسن رضا نے دوسری وکٹ کی شراکت میں 173 رنز بنائے۔
مصباح الحق نے شاندار سنچری اسکور کی، انہوں نے 93 گیندوں پر 6 چوکوں اور 7 چھکوں کی مدد سے 106 رنز بنائے۔
حسن رضا نے 68 رنز کی اننگز کھیلی، دوبارہ بیٹنگ کے لیے آنے والے عبدالرزاق 38 رنز بنا کر آؤٹ ہوئے۔
تصور عباس نے دھواں دار اننگز کھیلی اور 21 گیندوں پر 58 رنز بنا کر پاکستان کا اسکور 300 رنز تک پہنچادیا۔
پاکستان نے مقررہ 45 اوورز میں 4 وکٹوں پر 328 رنز بنائے، جواب میں ویسٹ انڈیزکی ٹیم 39 اوورز میں 176 رنز بناسکی۔
لارنس نے 41 اور رینڈی تھامس 37 رنز بنا کر ٹاپ اسکورر رہے، پاکستان کے لیفٹ آرم اسپنر عبدالقادر نے 6 وکٹیں حاصل کیں، اُنہوں نے ایونٹ میں 28 وکٹیں حاصل کرکے بیسٹ بولر کا ایوارڈ اپنے نام کیا ۔
جیو سوپر نے ایونٹ کے میچز براہ راست نشر کیے۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
