03 اکتوبر ، 2023 
حسن علی کے سسر کو پاک بھارت میچ کا بے صبری سے کیوں انتظار ہے؟
03 اکتوبر ، 2023
آئی سی سی ورلڈکپ سے قبل قومی فاسٹ بولر حسن علی کے سسر لیاقت خان احمد آباد میں پاک بھارت میچ کے لیے بےتاب ہیں۔
حسن علی کے سسر لیاقت خان اپنی نواسی کو میچ کے موقع پر ملنے کے منتظر ہیں، لیاقت خان اپنی نواسی کو پہلی مرتبہ گود میں لینے کے لیے میچ کا شدت سے انتظار کررہے ہیں۔
لیاقت خان کا تعلق ہریانہ کے ضلع نوح سے ہے جو ریٹائرڈ بلاک ڈیولپمنٹ آفیسر ہیں، حسن علی اور سامعہ خان کی شادی 2019 میں دبئی میں ہوئی تھی تاہم سامعہ شادی کے بعد اب تک بھارت نہیں گئیں۔
بھارتی میڈیا سے گفتگو میں لیاقت خان نے کہا کہ نواسی کی ولادت کے موقع پر میری اہلیہ 2021 میں پاکستان گئی تھیں، ہمیں امید ہے کہ ہم سب احمد آباد میں ملاقات کریں گے، میں اپنی نواسی کو پکڑنے کے لیے انتظار نہیں کر سکتا۔
انہوں نے مزید کہا کہ حسن علی سے شادی کے لیے میں نے اپنی بیٹی کے فیصلے پر شک کا اظہار نہیں کیا تھا، میں نے بیٹی کو کہا تھا اگر آپ خوش ہو تو اس سے فرق نہیں پڑتا کہ کس سے شادی کر رہی ہو۔
لیاقت خان نے کہا کہ کوئی ایسا دن نہیں ہے جب میں پاکستان اور بھارت کے اچھے تعلقات کے لیے دعا نہیں کرتا، میری اللہ سے یہی گزارش رہتی ہے کہ دونوں ملکوں کے رشتے سدھر جائیں اور ہم بھائیوں کی طرح پر امن رہ سکیں۔
انہوں نے یہ بھی کہا کہ میں پاک بھارت کرکٹ سیریز زیادہ چاہتا ہوں، امید ہے کہ حسن علی کسی دن دہلی میں کھیلے گا اور ہم اسے اپنے گھر پر مدعو کریں گے، میری بیٹی آسکتی ہے اور اپنے گھر رہ سکتی ہے، کیا یہ کہنا کسی باپ کے لیے بہت زیادہ ہے؟
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
