17 اکتوبر ، 2023 
لودھراں: ملزمان کی گرفتاری کیلئے آنیوالی پولیس پارٹی کو باراتیوں نے یرغمال بنالیا
17 اکتوبر ، 2023
لودھراں میں ملزمان کی گرفتاری کیلئے آنے والی پولیس پارٹی کو باراتیوں نے یرغمال بنا کر تشدد کا نشانہ بنا ڈالا۔
پولیس کے مطابق ملتان کی تحصیل شجاع آباد کے تھانے راجہ رام کی پولیس کو مخبر نے اطلاع دی کہ دو روز قبل لطف پور میں ہونے والی ڈکیتی کے تین مبینہ ملزمان لودھراں کے چک نمبر 50 ایم میں شادی کی تقریب میں موجود ہیں۔
مخبر کی اطلاع پر پولیس وہاں پہنچی اور بارات میں شامل ڈکیتی کے 3 ملزمان کو گرفتار کرلیا تو باراتیوں نے ایس ایچ او اور پولیس اہلکاروں کو یرغمال بنالیا اور تشدد کر کے تینوں ملزمان کو چھڑوالیا۔
بعد ازاں 3 تھانوں کی پولیس نے ایس ایچ او اور پولیس اہلکاروں کو بازیاب کرایا۔
پولیس نے دلہے اور اس کے والد سمیت 10سے زائد افراد کو حراست میں لے لیا ، اہلکاروں کو یرغمال بنانے و تشدد کا مقدمہ بھی درج کر لیا۔
مزید خبریں :
کراچی کے علاقے کلفٹن میں مبینہ پولیس مقابلہ، 4 ملزمان ہلاک
24 نومبر ، 2024
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
