24 اکتوبر ، 2023 
پاکستان
فوٹو: جیو نیوز
پاکستان میں فشنگ راڈ سے سب سے وزنی مچھلی پکڑنے کا ریکارڈ بن گیا
24 اکتوبر ، 2023
پاکستان بوٹ ریلی کے رکن خالد احمد نے بحیرہ عرب میں فشنگ راڈ سے سب سے وزنی مچھلی پکڑنے کا ریکارڈ بنا دیا۔
خالد احمد کو 10.5 فٹ لمبی اور 210 کلوگرام وزنی مارلن مچھلی کو پکڑنے اور کشتی پر اتارنے میں 4 گھنٹے لگے۔
خالد احمد آئندہ ماہ ہونے والی پاکستان بوٹ ریلی میں شرکت کیلئے امریکا سے آئے ہیں، انہوں نے یہ کارنامہ بوٹ ریلی کی ٹریننگ کے دوران سرانجام دیا۔
خیال رہے کہ شکار کی گئی مارلن مچھلی نہ صرف جسامت کے اعتبار سے دنیا کی سب سے بڑی مچھلیوں میں شمار ہوتی ہے بلکہ یہ سب سے تیز مچھلیوں میں بھی شمار ہوتی ہے جو 68 میل فی گھنٹہ کی رفتار سے سفر کرنے کی صلاحیت رکھتی ہے۔
