26 اکتوبر ، 2023
جنونی پنجاب کے ضلع لیہ کے ضلعی ہیلتھ آفس سے سانپ اورکتے کے کاٹنے پر لگائی جانے والی لاکھوں روپے مالیت کی ویکسین چوری ہوگئی۔
لیہ کے سی ای او ہیلتھ کے مطابق میڈیسن اسٹور کے فریزر سے سانپ اورکتے کے کاٹنے پر لگائی جانے والی 4 ہزار 710 ویکسین چوری کی گئیں جن کی مالیت تقریباً 50 لاکھ روپے بنتی ہے۔
سی ای او ہیلتھ کا کہنا ہے کہ سی سی ٹی وی کیمرے کا رخ تبدیل ہونے پر چوری ہونےکا شبہ ہوا ہے۔
محکمہ صحت کا کہنا ہے کہ سی ای او ہیلتھ نے پولیس کومقدمے کے اندراج کے لیے درخواست دی ہے اور انکوائری کیلئے 5 رکنی کمیٹی بھی تشکیل دے دی گئی ہے۔
سی ای او ہیلتھ کا مزید کہنا ہے کہ ویکسین برآمد کر کے ملوث افراد کے خلاف سخت کارروائی ہوگی۔