13 نومبر ، 2023 
پاکستان
فوٹو: فائل
190ملین پاؤنڈکیس: نیب نے بشریٰ بی بی سے 11 سوالوں کے جواب مانگ لیے
13 نومبر ، 2023
چیئرمین تحریک انصاف عمران خان کی اہلیہ بشریٰ بی بی 190 ملین پاؤنڈ اسکینڈل کیس میں نیب راولپنڈی میں پیش ہوئیں۔
ذرائع کے مطابق نیب کی جانب سے بشریٰ بی بی کے سامنے 11 سوال رکھےگئے۔
- آپ نے تعلیم کہاں سے حاصل کی اور کیا آپ نے اسلامی تدریسی کورس بھی کیا؟
- القادر یونیورسٹی پروجیکٹ ٹرسٹ بنانےکا مقصدکیا تھا؟
- کیا بطور ٹرسٹی ہونے کے ساتھ بطور استاد بھی کوئی ذمہ داریاں ادا کر رہی ہیں؟
- کیا بطور ٹرسٹی یا استاد یونیورسٹی سے کسی قسم کی تنخواہ یا مراعات لیتی رہی ہیں؟
- القادر یونیورسٹی بنانےکا خیال کس کا تھا اور جگہ کا تعین کس نےکیا؟
- آپ بطور ٹرسٹی القادر یونیورسٹی میں کیا ذمہ داریاں ادا کررہی تھیں؟
- فرحت شہزادی کو آپ کیسے جانتی ہیں؟ کیا آپ ان کے مالی معاملات اور کردار کے بارے میں مطمئن ہیں؟
ذرائع کا کہنا ہےکہ نیب کے بقیہ سوال پیسے کی ٹرانزیکشن کے بارے میں ہیں۔
ذرائع کے مطابق بشریٰ بی بی نیب راولپنڈی میں پیشی کے بعد واپس روانہ ہوگئیں، بشریٰ بی بی کی لیگل ٹیم 11 سوالوں کا جواب جمع کروائےگی۔
