28 دسمبر ، 2023 
پاکستان
ایم کیوایم این اے 243 کیماڑی، این اے 229، 230 اور 231 ملیر کی سیٹ ایڈجسمنٹ پر بات چیت کے لیے تیار ہے: ذرائع/ فائل فوٹو
ایم کیو ایم (ن) لیگ سے قومی کی 5 اور صوبائی اسمبلی کی 10 نشستوں پر بات چیت کیلئے تیار
28 دسمبر ، 2023
کراچی: عام انتخابات میں ایم کیو ایم اور مسلم لیگ (ن) کے درمیان سیٹ ایڈجسٹمنٹ کے معاملے میں پیشرفت ہوئی ہے۔
ذرائع کے مطابق کراچی سے قومی اسمبلی کی 5 اور صوبائی کی 10 نشستوں پر ایم کیو ایم مسلم لیگ (ن) سے بات کرنے پر تیار ہے۔
ذرائع کا کہنا ہےکہ ایم کیوایم این اے 243 کیماڑی، این اے 229، 230 اور 231 ملیر کی سیٹ ایڈجسمنٹ پر بات چیت کے لیے تیار ہے جب کہ ایم کیوایم این اے 239 ضلع جنوبی پر بھی سیٹ ایڈجسٹمنٹ پر تیار ہے۔
ذرائع کے مطابق پانچوں قومی اسمبلی کی نشستوں میں آنے والی 10 صوبائی نشستوں پربھی ایم کیوایم بات چیت کے لیے تیار ہے تاہم ایم کیو ایم ان سیٹوں کے علاوہ کراچی کی کسی نشست پر بات چیت کے لیے تیار نہیں ہے۔
