02 جنوری ، 2024 
اینٹی کرپشن پنجاب نے ڈاکٹر یاسمین راشد اور ان کی بیٹی کیخلاف مقدمہ درج کرلیا
02 جنوری ، 2024
محکمہ اینٹی کرپشن نے پاکستان تحریک انصاف (پی ٹی آئی) کی رہنما اور سابق وزیر صحت پنجاب ڈاکٹریاسمین راشد کی بیٹی کی مبینہ طور پر میرٹ سے برعکس تقرری پر ڈاکٹر یاسمین راشد اور ان کی صاحبزادی ڈاکٹر عائشہ علی کے خلاف مقدمہ درج کرلیا۔
ترجمان محکمہ اینٹی کرپشن کے مطابق ڈاکٹریاسمین راشد اور ان کی بیٹی ڈاکٹر عائشہ علی کےخلاف انکوائری کے بعد مقدمہ درج کیا گیا ہے۔
ترجمان کے مطابق انکوائری میں ثابت ہوا کہ ڈاکٹریاسمین راشد نے بیٹی کو اثرورسوخ استعمال کرکے میرٹ کے برعکس کنگ ایڈورڈ میڈیکل کالج یونیورسٹی میں اسسٹنٹ پروفیسر تعینات کروایا۔
ترجمان کا کہنا ہےکہ ڈاکٹرعائشہ مطلوبہ معیار پرپورا نہیں اترتی تھیں، ان کےتجربےکے سرٹیفکیٹ پر ڈاکٹر یاسمین راشد نے خود دستخط کیے، ڈاکٹر عائشہ علی نے عمر میں رعایت کے لیے بھی درخواست جمع نہیں کروائی، انٹرویو میں انہیں جان بوجھ کر فوقیت دی گئی۔
