30 جنوری ، 2024 
ویمن ٹی ٹوئنٹی رینکنگ جاری، ٹاپ 10 بیٹر میں کوئی پاکستانی شامل نہیں
30 جنوری ، 2024
انٹرنیشنل کرکٹ کونسل (آئی سی سی) نے ویمن ٹی ٹوئنٹی رینکنگ جاری کردی جس میں ٹاپ ٹین بیٹر میں کوئی پاکستانی کھلاڑی شامل نہیں۔
آئی سی سی کی ویمن ٹی ٹوئنٹی رینکنگ میں آسٹریلیا کی اوپنر بیتھ مونی دوبارہ نمبر ون بیٹر بن گئیں، بیتھ مونی نے ساتھی کھلاڑی تھالیا میگرا سے پہلی پوزیشن چھین لی۔
آئی سی سی کی جاری رینکنگ کے تحت ٹاپ ٹین بیٹر میں کوئی پاکستانی کھلاڑی شامل نہیں۔
دوسری جانب ٹی ٹوئنٹی بولرز میں انگلینڈ کی صوفی ایکلیسٹون کا پہلا نمبر برقرار ہے جب کہ بھارت کی دیپتی شرما ایک درجے ترقی کے بعد دوسرے نمبر پاکستان کی سعدیہ اقبال ایک درجے ترقی کے بعد تیسرے نمبر پر آگئی ہیں۔
ادھر ٹی ٹوئنٹی آل راؤنڈرز میں ویسٹ انڈیز کی ہیلے میتھیوز کا پہلا نمبر برقرار ہے جب کہ پاکستان کی کپتان ندا ڈار پانچویں نمبر پر موجود ہیں۔
مزید خبریں :
پی ایس ایل 10: پشاور زلمی نے لاہور قلندرز کو7 وکٹ سے ہرادیا
24 اپریل ، 2025
سابق آسٹریلوی کرکٹر اور کمنٹیٹر انتقال کر گئے
24 اپریل ، 2025
شاداب خان نے پی ایس ایل میں وکٹوں کی سنچری مکمل کرلی
23 اپریل ، 2025
