صادق آباد: غیر ملکی سائیکلسٹ کو تھپڑ مارنے والا اے ایس آئی معطل

صادق آباد میں ڈی پی او نے غیر ملکی سائیکلسٹ سے بدسلوکی پر اے ایس آئی کو معطل کرتے ہوئے محکمہ جاتی کارروائی کا حکم جاری کردیا۔

رحیم یار خان میں ڈی پی او  رضوان عمرگوندل نے واقعےکی وضاحت کرتے ہوئے بتایا کہ 3 غیرملکی سائیکلسٹ ہفتے کے روز سندھ سے رحیم یار خان کی حدود صادق آباد میں داخل  ہوئے تو  ایس او  پی کے مطابق انہیں سکیورٹی فراہم کی گئی۔

صادق آباد: غیرملکی سائیکلسٹ کو تھپڑ مارنے پر اے ایس آئی کیخلاف تحقیقات شروع

تحقیقات کے بعد ہی اے ایس آئی لیاقت علی کے خلاف کارروائی کی جائےگی، ترجمان پنجاب پولیس

ڈی پی او کے مطابق سائیکلسٹ اس بات پر بضد تھےکہ انہیں کوئی سکیورٹی نہ دی جائے، جس پر تلخ کلامی کا واقعہ پیش آیا۔

پولیس ترجمان کے مطابق غیر ملکی سائیکلسٹ نے غصے میں اے ایس آئی پر اسپرے کردیا تھا جس پر  اے ایس آئی  نے غیرملکی سیاح کو تھپڑ  مارا  تھا۔

نامناسب رویہ  اپنانے پر متعلقہ پولیس اہلکار کو  معطل کرکے اس کے خلاف مزید محکمانہ کارروائی عمل میں لائی جا رہی ہے۔