31 جنوری ، 2024 
عالمی منڈی میں پاکستانی چاول کی مانگ میں 50 فیصد اضافہ
31 جنوری ، 2024
کراچی: عالمی منڈی میں پاکستانی چاول کی مانگ میں 50 فیصد اضافہ ہوا ہے۔
چاول کی عالمی منڈی سے بھارت آؤٹ اور پاکستان اِن ہوا ہے، اسٹیٹ بینک آف پاکستان کے مطابق پاکستان نے رواں مالی سال کی پہلی ششماہی میں ڈیڑھ ارب ڈالر مالیت کا چاول برآمدکیا ہے۔
ماہراجناس شمس الاسلام خان کے اندازے ہیں کہ پاکستان رواں مالی سال 3 ارب ڈالر مالیت کا ریکارڈ 50 لاکھ ٹن چاول برآمدکرےگا۔
خیال رہےکہ چاول کی عالمی تجارت میں بھارت کا حصہ 40 فیصد ہے لیکن الیکشن جیتنےکے لیے مودی سرکار نے چاول برآمد کرنے پر جولائی سے پابندی عائد کر رکھی ہے۔
فیصلے سے بھارت میں چاول کی قیمت کم ہوگی لیکن دنیا کے تقریباً 150 ممالک بھارتی فیصلے سے چاول کی مہنگائی محسوس کر رہے ہیں۔
پاکستان کو البتہ بھارتی فیصلے کا فائدہ ہوا ہے، اسٹیٹ بینک کے مطابق پاکستان نے رواں مالی سال کی پہلی ششماہی میں ڈیڑھ ارب ڈالر مالیت کا 25 لاکھ ٹن چاول دنیا کو بیچا ہے۔
بھارتی پابندی کو دنیا کے کئی ملکوں نے بلاجواز قرار دیا ہے، اقوام متحدہ نے ورلڈ فوڈ پروگرام کے چاول کی خریداری ٹینڈر میں بھارتی ایکسپورٹرز کو بولی دینے سے روک دیا ہے۔
اس دوران پاکستانی چاول مختلف ملکوں تک پہنچ رہا ہے، عام اندازے ہیں کہ پاکستان رواں مالی سال دنیا کو ریکارڈ چاول بیچےگا۔
پاکستانی چاول روس، میکسیکو اور انڈونیشیا برآمد ہوا، 2023 میں پاکستان نے پہلے 6 ماہ میں 1 ارب ڈالرکا چاول ایکسپورٹ کیا تھا، برآمد بڑھنے سے پاکستان میں مقامی سطح پر چاول کی قیمتوں میں اضافہ ہوا ہے۔
مزید خبریں :
رواں مالی سال کوئی منی بجٹ نہیں لا رہے: چیئرمین ایف بی آر
22 دسمبر ، 2024
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
ملک میں سونا مزید سستا ہوگیا
20 دسمبر ، 2024
انٹربینک میں ڈالر پھر مہنگا ہوگیا
20 دسمبر ، 2024
