پنجاب میں نمونیا سے مزید 8 بچے جان کی بازی ہار گئے

پنجاب میں گزشتہ 24 گھنٹوں کے دوران نمونیا سے مزید 8 بچے انتقال کر گئے۔

محکمہ صحت پنجاب کے مطابق گزشتہ 24 گھنٹوں کے دوران صوبے میں نمونیا کے 792 نئے کیسز رپورٹ ہوئے ، صرف لاہور میں اس دوران 191 بچوں میں نمونیا کی تصدیق ہوئی۔

جنوری میں پنجاب میں نمونیا سے متاثرہ بچوں کی تعداد 18 ہزار 40 ہو گئی جبکہ اس دوران صوبے میں نمونیا سے 296 بچے انتقال کر گئے۔

ڈائریکٹر حفاظتی ٹیکہ جات پنجاب ڈاکٹر مختار کے مطابق صوبے میں ان دنوں نمونیا پھیلا ہوا ہے، بچے کو پیدائش سے لےکر ڈیڑھ ماہ تک نمونیا ویکسین ایک خاص نمونیا سے بچاتی ہے۔

ڈاکٹر مختار نے مزید بتایا کہ ان دنوں پھیلے ہوئے وائرل میں نمونیا ویکسین مؤثر نہیں، حفاظتی ٹیکہ جات کے تحت لگنے والی نمونیا ویکسین وافر مقدار میں موجود ہے، بچوں اور بڑوں کے لیے نمونیا کی ایک ہی ویکسین ہوتی ہے۔

انہوں نے کہا کہ عام مارکیٹ میں نمونیا ویکسین دستیاب نہیں، حکومتی اجازت کے بغیرکوئی فارمیسی نمونیا ویکسین بیرون ملک سے نہیں منگوا سکتی، حکومت بیرون ملک سے صرف بچوں کو حفاظتی ٹیکہ جات کے تحت لگنے والی ویکسین منگواتی ہے۔

پنجاب : گزشتہ 24 گھنٹوں کے دوران نمونیا سے مزید 13 بچے انتقال کرگئے

گزشتہ 24 گھنٹوں میں پنجاب میں مزید ایک ہزار 45 نمونیا کے کیسزرپورٹ ہوئے: محکمہ صحت پنجاب

پنجاب میں رواں سال کے27 دنوں میں نمونیا سے258 بچے جاں بحق ہوگئے

صوبے بھر میں 24 گھنٹوں میں 869 نمونیا کے نئے کیسز رپورٹ ہوئے، صوبے میں 24 گھنٹوں کے دوران نمونیا سے 18 بچے جاں بحق ہوئے، محکمہ صحت پنجاب