17 فروری ، 2024 
ملکی صورتحال، شاہد آفریدی بھی خاموش نہ رہ سکے
17 فروری ، 2024
سابق کرکٹر شاہد آفریدی نے ملک میں جاری سیاسی بحران پر ردعمل کا اظہار کیا ہے۔
سماجی رابطے کی سائٹ ایکس پر اپنے بیان میں شاہد آفریدی کا کہنا تھاکہ عام آدمی ہر روز کی ایک نئی کہانی سے تنگ آگیا ہے، اُس کا مسئلہ مہنگائی اور بیروزگاری ہے۔
انہوں نے کہا کہ فیصلہ سازوں سے ہاتھ جوڑ کر التماس ہے آپس میں مل بیٹھ کر مُلک کو اس ہیجانی کیفیت سے نکالیں۔
سابق کپتان کا کہنا تھاکہ پہلے ہی بہت تماشہ بن گیا ہے اور اب یہ وطن مزید صدمے برداشت نہیں کر سکتا۔
انہوں نے اپیل کی کہ خدارا اپنی آنے والی نسلوں اور اپنے ملک کیلئے سب ایک ہو جاؤ۔
خیال رہے کہ ملک میں عام انتخابات کے بعد حکومت سازی کیلئے جوڑ توڑ جاری ہے اور ن لیگ، پی پی اور دیگر اتحادی جماعتوں نے حکومت بنانے کا اعلان کر رکھا ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
