18 فروری ، 2024 
پاکستان
فوٹو: فائل
بیوروکریسی کو قانون شکنی پر اکسانے والوں سے قانون کے مطابق نمٹیں گے: مریم نواز
18 فروری ، 2024
لاہور: مسلم لیگ ن کی چیف آرگنائزر اور نامزد وزیراعلیٰ پنجاب مریم نواز شریف نےکہا ہےکہ بیوروکریسی کو قانون شکنی پر اکسانے والوں سے قانون کے مطابق نمٹیں گے۔
ایک بیان میں مریم نواز کا کہنا تھا کہ بیوروکریسی کو دھمکیوں کا مطلب ریاستی نظام میں انتشار پیدا کرنا ہے، انتشار پیدا کرنےکی کھلی چھوٹ تباہی کو دعوت دینا ہے۔
مریم نواز کا کہنا تھا کہ افسران گھبرائیں نہ دھمکیوں سے مرعوب ہوں، قانون کے مطابق فرائض انجام دیں۔
ان کا کہنا تھا کہ افسران کی سلامتی کو خطرے میں ڈالا گیا تو آہنی ہاتھوں سے نمٹا جائےگا، افسران کی سکیورٹی یقینی بنائیں گے۔
